Podcast
Buro de Vries (Podcast)
Omrop Fryslân
Buro de Vries siket it út! Moaie dokumintêres, nijsgjirrige gasten of in ferrassend petear. Buro de Vries nimt je gemoedlik mei de djipte yn. Buro de Vries fynst yn dyn podcastapp en op Spotify.
Lees meer
Afleveringen - Pagina 6
15 dec. '24
Gesicht fan de Serious Request aksje: Jelte de Haan. In petear mei syn heit
Jelte de Haan is it gesicht fan de Serious Request aksje fan 2024. It jild dat ynsammele wurdt giet nei ûndersyk nei metabole sykten. Jelte de Haan út Ljouwert hat in metabole sykte en sil net âld wurde. Syn âlders, Hein en Sanne de Haan dogge der in hiel soad foar om metabole syktes ûnder de oandacht te bringen en hoopje dat der troch ûndersyk mear bekend wurdt oer metabole syktes en dat der miskien wol in medisyn of behandeling komt. 'Wy wolle ús ynsette foar alle folgjende Jeltes' sizze se. In petear mei heit Hein de Haan.
8 dec. '24
Ielrikje mei Wybren Bruinsma
De ien kinst der nachts wekker foar meitsje, de oar grizet derfan: rikke iel. Mar ast it no lekker fynst as net, it wurdt hjoed-de-dei sjoen as in wiere delikatesse. Mar wat is no it geheim fan in echt lekkere rikke iel? Klazina Hofstee gie op besite by Wybren Bruinsma fan Winsum, hy rikket al 40 jier iel en hat no ek wat brânen yn de eftertún...
1 dec. '24
Henk Zuidema syn leafde foar beannen en earten
Beannen en earten: se binne sûn, goedkeap en goed foar it miljeu. En se hawwe de prachtichste nammen: it wâldbeantsje dy kinne we wol, mar wa kent de reade krobbe, as de lupine, as it soldatebeantsje. Buro de Vries dûkt yn de wrâld fan de beannen en giet op besite by beannehanneler Henk Zuidema fan Jistrum.
24 nov. '24
De brûnstiid fan de deim (damhert)
Se binne troch alles hinne en se hawwe somtiden in read waas oar de kop. Want it is wer dy tiid fan it jier: it is de brûnstiid fan de deim, oftewol de damherten, en dan jeie de hormoanen harren dwers troch it liif. De mantsjes wolle mar ien ding en dat is pearje, mar dan moatte se wol yndruk meitsje op de wyfkes, en oare mantsjes de baas wêze. Klazina Hofstee gie mei natuerman Harrie Bosma de bosk yn by Oranjewâld en it Ketliker Skar, op syk nei sa'n brûnstige deim:
24 nov. '24
Ritsko van Vliet op syk nei syn Indyske roots
De ferneamde Ljouwerter Ritsko van Vliet gie pas op syk nei syn Indyske roots, doe't syn soan him frege: "Wie was mijn Indische oma?". It smiet in bisûnder boek op mei deselde titel.
17 nov. '24
Histoarikus Bearn Bilker oer de krisis yn Dútslân
Dútslân sit yn in swiere krisis op ekonomysk en polityk mêd. Histoarikus en Dútslân-kenner Bearn Bilker jout syn analyze yn Buro de Vries.
17 nov. '24
Wêr lizze jo wekker fan? Buro de Vries stekt de thermometer yn de Fryske Mienskip
It bin rûzige tiden. De oarloch yn it Middeneasten en de ferdieldheid dy't dat yn ús lân ta gefolch hat. It tanimmende antisemitisme en de moslimhaat, mei rellen yn Amsterdam as gefolch. De oarloch tusken Oekraïne en Ruslân. En tichterby: soargen oer tekoarten oan wenningen, en fakminsken; kwaliteit en betelberheid fan de soarch. En dan ha we noch net iens oer it ûnderwiis, de lânbou, it klimaat en de kultuer... It liket wol oft alles ûnder druk stiet. Lizze de Friezen der wekker fan? Buro de Vries gie op 'n paad en bedarre yn Eastermar, Eastersee en Easterwâlde.
10 nov. '24
Van Mesdag-direkteur Harry Beintema: "Samenleving moat eks-TBS'ers wer in plakje jaan'
De samenleving moat mear TBS-ers dy't frijkomme, in plakje jaan yn stêden en doarpen. Dy oprop docht Harry Beintema, direkteur fan de Van Mesdag-klinik yn Grins dêr't 260 mannen sitte. Dy binne feroardiele foar swiere delikten as moard, deaslach en ferkrêfting. Harry Beintema is berne op 22 juli 1969. Hy groeide op yn Drachten en ferhúze nei Akkrum doe't hy njoggen wie. Hy studearre Geneeskunde oan de Ryksuniversiteit yn Grins. Hy wurket no 20 jier yn de Van Mesdag-kliniek yn Grins wêrfan dik 18 jier as direkteur.
10 nov. '24
Skriuwster Machteld van Zalingen lit har nijste boek foar in part yn Fryslân spylje
In thriller dy't foar in part yn Fryslân spilet en oer in sekte giet. Machteld van Zalingen hat har ynspirearje litten troch Fryslân en Noarwegen. De skriuwster wennet sels op de Veluwe, mar is regelmjittich yn Fryslân te finen. Se kin har yn har fakânsjehûs oan de Aldegeaster Brekken folslein talizze op it skriuwen. De earste sêne yn har nijste boek 'Het Genootschap' spilet dan ek krekt dêr: oan de oever fan de Aldegeaster Brekken.
10 nov. '24
Kees Bangma skriuwt boek oer Belgen yn Gaasterlân yn earste wrâldoarloch.
Hy nimt it sels histoarysk resjerzjewurk: âld plysjeman Kees Bangma docht ûndersyk nei de skiednis fan de earste wrâldoarloch en de gefolgen dêrfan foar Fryslân. Nederlân wie dan wol neutraal yn dy oarloch, mar de ynfloed wie grut, ek yn ús provinsje. Bangma hie yn 2018 al mei skreaun oan it boek "Ver van het Front", oer Fryslân en de Friezen yn de earste wrâldoarloch. No hat er in nij boek skreaun: "Gasten in Gaasterland", oer Belgyske militêren dy't yn dy tiid ynterneare waarden yn Gaasterlân. Klazina Hofstee moetet Bangma op it tsjerkhôf fan de Sint Odulphustsjerke yn Bakhúzen.
