Buro de Vries (Podcast)

Yn de oarloch wie de Schoterlandse Compangonsfeart tusken De Knipe en Jobbegea in bron fan ferset. Omdat der mear as 140 Joadske ûnderdûkers ferstoppe sieten waard de streek ek wol de Schoterlandse Jordaan neamd. Twa fersetsminsken ha no 80 jier letter in plaquette krigen om harren heldhaftige wurk te earen: Hendrik Marcus de Jong en Roel Vis. De iene wie kommunist en de oare swier grifformeard. Ien fan de minsken dy't troch se rêden waard is de no 98-jierrige Ben Troostwijk. It Buro wie by de ûntbleating en hearde wêrom't krekt de ferskillen tusken de twa manlju de gearwurking sa krêftich makke.

Yn de tiden dat we de slachtoffers fan de Twadde Wrâldoarloch betinke en 80 jier frijheid fiere is der ek it ferhaal fan de dieders. En benammen it neiteam. Hoe is it om derachter te kommen dat heit, mem of pake 'fout' wie yn de oarloch? Je kinne stelle dat de útstelde slachtoffers binne. Skamte, fertriet en ûnrêst oer de dieden fan je foarâlders kin grut wêze. Wylst je der sels part noch diel oan hiene kin it je libben ûntwrichtsje. Yn it gefangenismuseum yn Feanhuzen is der in tentoanstelling oer: On(t)schuld. We rinne mei Willem Stohr fan it museum troch de foarstelling

Yn it Damwâldster museum De Sûkerei is op't heden in bisûndere útstalling te sjen. Dêryn stiet it libben en it kreative wurk fan Heine Koonstra sintraal. Heine waard, krekt as syn broer Sijtze, yn febrewaris '44 oppakt by in razzia ûnder Ikkerwâld en yn Dútslân te wurk steld. Heine kaam nea werom: hy stoar op 25 april '45, dus ten tide fan de befrijing, oan TBC yn in hospitaal by Bûchenwâld. Dat syn ferhaal no ferteld wurdt troch dizze útstalling, komt benamme troch Age de Graaf. Ferline jier gie De Graaf troch guod fan syn heit Jan, dy't tagelyk mei Heine oppakt waard. Hy ûntduts fan alles oer saken dêr't syn heit nea oer prate woe. Ut de stikken bliek bygelyks dat hy mei Heine en oaren fia de gevangenis fan Ljouwert en kamp Amersfoort yn Buchenwald bedarre. Age de Graaf biet him fêst yn dit stikje mienskiplike skiednis fan syn heit Jan en Heine Koonstra. It smiet in skat oan ynformaasje op, dat foar in part no op de útstalling te sjen is....

It Keninklik Frysk Genoatskip bestiet 200 jier yn 2027 en fiert dat mei in oade oan de Froulju fan Fryslân. Der komt in spesjaal jubileumboek mei dêryn de ferhalen fan 200 Fryske froulju, dy't libbe hawwe tusken 1827 en 2027. It binne froulju dy't yn harren libben in opfallende prestaasje dien hawwe, of dêrnei in opfallende reputaasje krigen hawwe. Yn de oanrin nei de ferskining fan it boek yn 2027, ljochtet haadredakteur Tialda Hoogeveen eltse moanne by Buro de Vries in opfallende frou derút. Hjoed fertelt Tialda oer it libben fan keunstner Betzy Rosa Berg.

As der in wyk is dy't in relaasje hat mei de Twadde Wrâldoarloch, dan is dat de Vrijheidswyk yn Ljouwert. Stichting de Verhalen hat dy Vrijheidswyk adoptearre yn dizze perioade wêryn't we 80 jier frijheid betinke. Sa makket de stichting ek yn gearwurking mei Buro de Vries in fjouwerdielige podcastrige. Klazina Hofstee en Gerard van der Veer folgen in moanne lang de minsken fan de Vrijheidswyk, dêr't alle pleinen en strjitten neamd binne nei fersetsstriders of in oare link ha mei de Twadde Wrâldoarloch. Hjoed-de-dei wenje der mear as 40 ferskillende nasjonaliteiten. Wêrûnder ek aardich wat minsken dy't it eigen lân ûntflechten binne foar oarloch. Sintraal stiet de fraach: wat betsjut Frijheid foar de bewenners fan de Vrijheidswyk? Dit is diel fjouwer.

It is dit jier 80 jier ferlyn dat de Twadde Oarloch oan syn ein kaam. Sûnt dy tiid libje we hjir yn fryheid. Mar wat is dat eins, frijheid. En wat betsjut fryheid foar de bewenners fan de Fryheidswyk? Dit is in kleurrike wyk yn Ljouwert, mei in grut ferskaat oan nasjonaliteiten en eftergrûnen, en ek in grut ferskaat oan ferhalen. Buro de Vries makke yn gearwurking mei Stichting de Verhalen in fjouwerdielige rige oer Fryheid yn de Frijheidswyk. Diel 3.

Wat betsjut frijheid foar minsken dy't it net sa maklik hawwe yn it libben? Dy't hûs en hear ferlitten hawwe foar oarlochsgeweld, dy't it finansjeel dreech hawwe of iensum binne. Hokker frijheid is foar harren wichtich? Yn dizze podcast portrettearje wy de Ljouwerter Frijheidswyk. In wyk, dy't wol it wurd frijheid yn har namme draacht, mar dêr't frijheid yn in soad opsichten net fanselssprekkend is. Stichting de Verhalen hat de Vrijheidswyk in soarte fan adoptearre yn dizze perioade weryn't we 80 jier frijheid betinke. Sa makket de stifting yn gearwurking mei Buro de Vries dizze podcastrige.  Yn dit twadde diel gean de makkers Klazina Hofstee en Gerard van der Veer op syk nei de ûntsteanskiednis fan Vrijheidswyk.

Nei oanlieding fan it nije boek Wondervogels praat it buro mei skriuwster en kollumniste Jantien de Boer oer fûgels en taal...

Je sjogge se wolris gean miskyn. Troch de fearten en mei rêstich waar oer de marren en sels it Waad. De suppers. Steand op in planke, yn 'e hân in peddel en relaxed oer it wetter glydzjend. It sjocht der sa maklik út en liket wol hast op yoga yn de natuer. Loesanne Velstra stiet alle dagen op de plank, en jout ek lessen en clinics. Se is ek ambassadeur foar it Waad omdat se rotsoai út it wetter hellet. Reden foar Simone om de drysuit oan te lûken en te ûnderfinen wat dat suppen je bringe kin.

Wat betsjut frijheid foar minsken dy't it net sa maklik hawwe yn it libben? Dy't hûs en hear ferlitten hawwe foar oarlochsgeweld, dy't it finansjeel dreech hawwe of iensum binne. Hokker frijheid is foar harren wichtich? Yn dizze podcast portrettearje wy de Ljouwerter Frijheidswyk. In wyk, dy't wol it wurd frijheid yn har namme draacht, mar dêr't frijheid yn in soad opsichten net fanselssprekkend is. Stichting de Verhalen hat de Vrijheidswyk in soarte fan adoptearre yn dizze perioade weryn't we 80 jier frijheid betinke. Sa makket de stifting yn gearwurking mei Buro de Vries in podcastrige. Sintraal stiet de fraach: wat betsjut Frijheid foar de bewenners fan de frijheidswyk. Dit is diel 1.