Podcast
Buro de Vries (Podcast)
Omrop Fryslân
Buro de Vries siket it út! Moaie dokumintêres, nijsgjirrige gasten of in ferrassend petear. Buro de Vries nimt je gemoedlik mei de djipte yn. Buro de Vries fynst yn dyn podcastapp en op Spotify.
Lees meer
Afleveringen
9 nov. '25
Heechleraar Otto Holman út Penjum: sjochris wat faker oer de nasjonale skutting
Penjum is in doarp dat in mjuks is fan 'autochtoanen' en ymport. It doarpke oan 'e râne fan de ôfslútdyk is oantrekkelik foar minsken út Hollân dy't de hektyk fan bygelyks de grutte stêd ûntflechtsje. Ien fan de minsken dy't dat ek die is Otto Holman. Hy is heechleraar ynternsasjonale betrekkingen. Sûnt trije jier wennet hy yn it doarp en fynt dêr de rêst him te ferdjipjen yn Europa. Mar ek yn Spanje. Want dat is dochs syn grutte leafde. Op ferkiezingsdei makke ik in kuier mei Holman.
9 nov. '25
De thermometer yn de Fryske mienskip: Snits, Stiens en Steggerda...
Buro de Vries stuts in wike nei de ferkiezingen de thermometer yn de Fryske mienskip om te peilen hoe't de flage der by hinget, We wiene yn Snits, Stiens en Steggerda en hearden optimistyske ferhalen, mar fernamen ek in soad ûnfrede oer asylsikers, it wenningtekoart, iensumens, ferkearsoerlêst, en it fâlske fingerwizen nei sûndebokken...
2 nov. '25
Fries om utens Lex Paleaux op besite yn Frjentsjer
60.000 boeken binne der oant no ta ferkocht fan it boek "Liften naar de Hemel" fan Fries om utens Lex Paleaux. It is ien fan de boeken dy't nominearre is foar de NS Publieksprijs fan 2025. Earder dit jier hie dizze 5e roman fan Paleaux de Boekhandelsprijs al wûn. Lex Paleaux wennet yn Haarlem mar is hikke en tein yn Fryslân ûnder de reek fan Ljouwert. Koartlyn wie hy op besite by de nagelnije boekhannel De Grote Beer yn Frjentsjer, dêr't hy fertelde oer syn autobiografyske boeken en syn swiere jeugd yn Fryslân. Klazina Hofstee reizge ôf nei Frjentsjer en koe Lex tusken it sinjearjen fan boeken troch bûten even ynterviewe.
2 nov. '25
Machteleas tsjinoer de wolf: "Ik kin op dit stuit neat"
Se sitte by minsken oan de keukentafel, se krije se gûlend oan de telefoan: deputearre Matthijs de Vries en boargemaster Avine Fokkens. As bestjoerders wurdt nei har sjoen as it giet oer de wolven yn Fryslân. Mar se kinne frijwol neat dwaan, want se binne bûn oan regels. En dat falt se net ta.
26 okt. '25
Froulju fan Fryslân: Aukjen Clewits
200 opfallende froulju. Dêr is it Keninklik Frysk Genoatskip nei op syk. Se bestean yn 2027 200 jier en om dat te fieren, jouwe sy in jubileumboek út mei dêryn oandacht foar 200 froulju dy't libbe hawwe tusken 1827 en 2027, en yn harren libben in opfallende prestaasje dien hawwe, of dêrnei in opfallende reputaasje krigen hawwe. Yn de oanrin nei de ferskining fan it boek yn 2027, ljochtet haadredakteur Tialda Hoogeveen eltse moanne by Buro de Vries in opfallende frou derút, troch in pear opmerklike feiten te fertellen oer har libbensrin. Hjoed fertelt Tialda oer it libben fan Aukjen Clewits.
26 okt. '25
De Haachske boekhannel fan Jogchum de Vries bliuwt bestean
"Hier wil ik wonen", tocht skriuwer Ronald Giphart doe't hy antikwariaat "Colette en Co" oan de Reinkenstrjitte yn Den Haach binnen rûn. Dit boekesaakje leit fol mei bergen twaddehânsk boeken en is it libbenswurk fan de Fryske Jocghum de Vries. Nei 25 jaar woe hy fanwegen âldens en sûnens yn 2020 der mei ophâlde. It boekwinkeltsje drige te ferdwinen. Mar dêr woene de Haagse buertbewenners neat fan witte. Se hawwe mei syn allen it antikwariaat oernaam, draaie frijwilligerstsjinsten yn de winkel, en no is der sels in boek: "Hier wil ik wonen, Het Vrolijke bestaan tussen boekenbergen". Klazina Hofstee gie nei Den Haach en bedarre tusken de steapels en steapels twaddehânsk boeken.
26 okt. '25
Andrea Gonzales Duarte van der Leeuw, in Fryske Kolombiaanse
It ferhaal fan Andrea Gonzales Duarte is bysûnder: as lytse poppe kaam se yn Drylts by har Fryske heit en mem. Har biologyske mem yn Kolombia stie har ôf foar adopsje omdat se net foar har soargje en no is Andrea werom yn Kolombia en helpt se froulju en bern yn 'e earme wyk fan de stêd dêr't se wennet, Medellín.
19 okt. '25
Op syk nei poddestuollen mei Betty Kooistra
It is wer hjerst en dat betsjut dat de poddestuollen de grûn útsjitte. Natoergids Betty Kooistra fan de Paddenstoelenwerkgroep Friesland nimt it Buro mei nei it Toutenburger Bosk by Noardburgum.
19 okt. '25
Tjeerd de Groot (D66) set punt efter polityk
Politiek is niet voor bange mensen', mei in boek ûnder dizze titel, sette Tjeerd de Groot in punt efter syn politike karjère. De Groot wie jierrenlang Twadde Keamerlid foar D66. Lanlike bekendheid krige hy troch syn opmerking dat de feestapel yn ús lân eins de helte lytser wurde moat. Dêrmei sette hy de natsjonale lânbou-diskusje op skerp.
15 okt. '25
Lianne Zandstra oer de dream dy't gjin werklikheid waard: "Ik woe mem wurde"
Aktrise en sjongeres Lianne Zandstra hat jierren yn de medyske mûne sitten. Sy en har man woene graach bern, mar it slagge net. Se skreau der in boek oer.
