Podcast
Buro de Vries (Podcast)
Omrop Fryslân
Buro de Vries siket it út! Moaie dokumintêres, nijsgjirrige gasten of in ferrassend petear. Buro de Vries nimt je gemoedlik mei de djipte yn. Buro de Vries fynst yn dyn podcastapp en op Spotify.
Lees meer
Afleveringen - Pagina 5
19 jan. '25
De wûnderen fan Marije fan Sânwâlden
Elkenien kent it beafeartsplak Lourdes, mar ek Boalsert is in plak dêr't pylgers hinne geane, en wol om it houten byld fan Marije fan Sânwâlden te earen. It byld is sûnt 1515 in mirakelbyld: siken waarden wer better, blinen koenen wer sjen as se Marije fan Sânwâlden oanrôpen. Yn de midsiuwen waarde al dizze wûnderen opskreaun yn it Boalserter Mirakelboek. En dat boek is koartlyn digitalisearre. It Buro is benijd nei it ferhaal fan dizze Maria en giet nei Boalsert. Mei Jack de Vries fan De Tiid dûke we it argyf yn en behearder Jan Visser nimt ús mei nei de Sint Fransiscusbasiliek.
19 jan. '25
De Fryske Nicci French: Rifka Faber út Dronryp
Blauwe maandag, Dinsdag is voorbij, wachten op woensdag.... wa't leafhawwer is fan thrillers, herkent de titels wol: it binne boeken skreaun troch Nicci French. Nicci French is in pseudonym foar in echtpear - Nicci Gerrard en Sean French. Sy skriuwe de boeken tegearre en ha dêr in hiel soad sukses mei. Fryslân hat no ek in Nicci French; it is Rifka Faber. Achter dit pseudonym sitte Erik Betten en syn frou Corien Feenstra. Fannewike kaam harren earste boek út: Fatale Oplossing. In petear mei harren oan de keukenstafel yn Dronryp.
19 jan. '25
As direkteur hâldt Geale Tadema eltsenien oan board: "Wy helpe inoar, punt"
It is dreech om minsken te finen dy't mei de hannen wurkje kinne. Fakminsken. Ambachtsminsken. Dit lûd hearst in soad. Mar net by Metalis, in metaalbedriuw yn Drachten. Dit bedriuw hat in hiel eigen wize fan omgean mei har meiwurkers en sjocht oars nei minsken as wurknimmers as oare bedriuwen.
19 jan. '25
Prof. dr. mr. Hylkje de Jong oer misdie & straf oan it Hof van Friesland
Prof. dr. mr. Hylkje de Jong oer misdie & straf oan it Hof van Friesland
12 jan. '25
In beam fol hoarnûlen
It is in min jier foar de hoarnûl, oftewol de ransuil. Dat komt omdat it in wiet jier west hat, en dat is min foar de mûzen, en hoarnûlen frette mûzen. In typysk gefal fan oarsaak en gefolch. Sjouke Scholten is fan it Sovon, it kennissintrum fan wylde fûgels yn Nederlân en telt rûmon dizze tiid hoefolle hoarnûlen hjir oerwinterje. Se skûlje faak yn hege beammen. Buro de Vries moetet Scholten yn Drachten. Tegearre geane se op syk nei in beam fol hoarnûlen...
3 jan. '25
Jappie Talma oer aksje predikanten yn aksje tsjin strange asylbelied
Yn in tal kranten stiene de ôfrûne moannen grutte advertinsjes mei in oprop oan it kabinet it paad fan "it strengste asylbelied" te ferlitten. It is ûndertekene troch mear as 400 predikanten en foargongers. De advertinsjes binne yn kranten as Trouw en Volkskrant pleatst mar ek yn it Friesch Dagblad. It is in inisjatyf fan Jan de Beer út Zwolle. Mar ek Jappie Talsma út Hurdegaryp is belutsen by de aksje. Ik gie by him op besite.
30 dec. '24
Durk Gorter oer Baskelân en Fryslân
"Sels bin ik in grut leafhawwer fan it Baskyske lân, de kultuer, it lânskip en de minsken." Dat seit ferslachjouwer Simone Scheffer. Se komt al jierren yn Baskelân. Dy regio hat wat mienskiplik mei Fryslân. Mar der binne ek ferskillen. Simone Scheffer wie dit jier seis wiken yn Baskelân. Yn dit artikel fertelt se wat wy Friezen fan de Basken leare kinne. Dêr hat se oer praat mei Durk Gorter, dy't wennet en wurket yn Baskelân.Gorter is heechlearaar en ûndersiker oan de Universiteit fan Baskelân. Hy is kritysk op de Friezen. "As je it fergelykje, is it belied yn Baskelân in euro en dat fan Fryslân in dûbeltsje", seit er.
22 dec. '24
Fete tusken boerebuorlju yn Drylts op 'e nij ferteld
"De wylde boerinne" giet oer twa boerebuorlju by Drylts, dy't tsientallen jierren lang slim spul ha. Skriuwer Teatse Eeltsje Holtrop út Drylts (1865-1925) wûn mei it ferhaal de novellewedstriid fan literêr tydskrift De Gids en sei dat it basearre wie op in wier bard ferhaal. Mar is dat echt sa? Ferhalemakke Froukje Sytsma en tëatermakker Ypie Zijsling dy't beide in fassinaasje ha foar "de wylde boerinne" gean op ûndersyk út. En komme ticht by de wierheid.
22 dec. '24
Dûkt fâlt foar Feriening fan Fryske Frijsinnigen
Nei 120 jier is der in ein kaam oan de organisearre frijsinnichheid yn Fryslân. De Fryske feriening fan Frijsinnigen hat himsels opdûkt. Emearitus predikant en skriuwer Rienk Klooster fan Ljouwert begrypt dat wol. Neffens Klooster kenmerken de frijsinnigen - dy't ek wol 'modernen' neamd waarden - har troch ûndogmatysk te wêzen en iepen te stean foar wittenskip en kultuer. Dat betsjutte bygelyks dat se har distansjearren fan boppenatuerlike wûnders. "De klam lei op de essinsje fan de Bibel en it kritysk lêzen dêrfan. Sa waard dit boek sjoen as samling fan net-histoaryske, mar symboalysk bedoelde leginden dy't boppedat beoardiele wurde moatte nei de tiid wêryn't se opskreaun binne."
15 dec. '24
De wolf yn de Stellingwerven: Minsken wurde beheind yn har frijheid
Dat de wolvekeppel fan it Drents-Friese Wold in soad slachtoffers makket ûnder fee is, dat witte we. Mar dat minsken yn de regio har libbensstyl oanpasse omdat se midden tusken de wolven wenje, dat is minder bekend. Se binne benaud foar de wolf. Neffens foarsitter Jelle de Ruiter fan Pleatslik Belang Easterstreek is de ympakt grut, as minsken de natuer net mear yndoare.Dat wolven har hieltiten faker sjen litte hat dus dúdlik gefolgen foar de ynwenners fan it gebiet. It beheint minsken yn har frijheid.
